我喺深圳土生土長，自細同屋企人講廣東同潮州話，直到小學至開始用普通話、簡體字學中文。因為自細睇翡翠台大，所以好多中文字都係先識繁體，之後再喺學校學返簡體。我細個啲同學、朋友仔都係本省人居多，我阿爸嗰邊嘅親戚又講粵語，父母啲朋友都係客家人、潮州人多。我一直都覺得普通話唔好聽，卷脷多、聲調少、韻母又少，聽落好似「黐咗脷筋」，再加上嗰陣時本省人都睇唔起班「北佬」，對普通話同外省人嘅觀感都好差。
我呢代廣東人仲識得講粵語，不過亦都有留意到年輕一代嘅廣府人同「新廣東人」/外省新移民，佢哋嘅粤語眞係愈來愈差，好多粵語嘅生僻字都唔識讀，甚至乎就求其搵個近似嘅普通話音「頂住檔」。譬如話，「鉛」畀佢哋讀成「tsim1」，「溪」讀「sai1」。我諗再過多廿年，廣東粵語只會淪落成廣西粵語，變為只有老人家講嘅「夕陽語言」（而家潮州話、客家話都係喺屋企至講，已難登正式啲嘅「大雅之堂」）。星馬華人佢哋嘅各省籍語言都冇乜後生仔講，啲人都淨係識講「Singlish」同「華語」。
客觀啲講句，中國北方語言喺蒙古人同滿洲人入侵之後摳摳埋埋而變咗今日嘅北京官話/標準現代漢語。我學文言文嗰時，就已經發覺好多字句用粵語解仲簡單。譬如，「揀」、「閂」，北京官話裡面早就唔見咗呢兩個字。呢兩個完全係粵語口語，對我嚟講根本唔需要解，唯獨是當時嘅外省教師驚死啲外省同學唔知。
中共信唔過班「南蠻」，孫中山、洪秀全都係京官眼中嘅反賊，中共建國以來除咗封返個帥畀葉劍英，好似都冇乜閩粵籍人士入到中南海。沈旭暉教授佢好似提過，想延續香港、香港人同廣東話，其中一條好理想化嘅絕世好橋係喺其他國家（譬如澳州、加拿大）買或租塊地，港人集體遷徙。廣東人基本上已經覆沒，唯有衷心祝福香港人能守護粵語最後陣地。
－－－－－－－－－－－－－－－－－－－－－－－－－
我用緊Google Chrome廣東話輸入法，有齊幾種輸入法同羅馬化方案，易打字啲，但仲係唔及我打普通話快。廣東拚音都係睇香港啲人名、街名學返嚟嘅。
我呢代廣東人仲識得講粵語，不過亦都有留意到年輕一代嘅廣府人同「新廣東人」/外省新移民，佢哋嘅粤語眞係愈來愈差，好多粵語嘅生僻字都唔識讀，甚至乎就求其搵個近似嘅普通話音「頂住檔」。譬如話，「鉛」畀佢哋讀成「tsim1」，「溪」讀「sai1」。我諗再過多廿年，廣東粵語只會淪落成廣西粵語，變為只有老人家講嘅「夕陽語言」（而家潮州話、客家話都係喺屋企至講，已難登正式啲嘅「大雅之堂」）。星馬華人佢哋嘅各省籍語言都冇乜後生仔講，啲人都淨係識講「Singlish」同「華語」。
客觀啲講句，中國北方語言喺蒙古人同滿洲人入侵之後摳摳埋埋而變咗今日嘅北京官話/標準現代漢語。我學文言文嗰時，就已經發覺好多字句用粵語解仲簡單。譬如，「揀」、「閂」，北京官話裡面早就唔見咗呢兩個字。呢兩個完全係粵語口語，對我嚟講根本唔需要解，唯獨是當時嘅外省教師驚死啲外省同學唔知。
中共信唔過班「南蠻」，孫中山、洪秀全都係京官眼中嘅反賊，中共建國以來除咗封返個帥畀葉劍英，好似都冇乜閩粵籍人士入到中南海。沈旭暉教授佢好似提過，想延續香港、香港人同廣東話，其中一條好理想化嘅絕世好橋係喺其他國家（譬如澳州、加拿大）買或租塊地，港人集體遷徙。廣東人基本上已經覆沒，唯有衷心祝福香港人能守護粵語最後陣地。
－－－－－－－－－－－－－－－－－－－－－－－－－
我用緊Google Chrome廣東話輸入法，有齊幾種輸入法同羅馬化方案，易打字啲，但仲係唔及我打普通話快。廣東拚音都係睇香港啲人名、街名學返嚟嘅。